Bearra
Soroa, Marcelino
-Astochuakiñ ua
Chomiñ egur billa
basora.
-Ni bakarrik?
-¡Ausendek mutilla!
matrakarekiñ beti:
¿ez dek aitu Chomiñ
esaten diatela
astochuarekiñ?
-Bañan jartzeko sortak
astocho gañian
norbait biardet jauna
nik aldamenian.
-Utziditzak aitzeki
ta kezka chatarrak.
-¿Zeñek lagunduko dit?
-¿Lagundu? Bearrak.
...................
-Emen naiz egurrekiñ
izarditurikan
egiñik lan guztiya
bakar bakarrikan.
Gogotik ibildurik
ingurub' ayetan
agertu ez da iñor
nere begiyetan.
Zintzurra larruturik
ojuka ¡Bearra!
lagundu nazak, orla
¡zenbat deadarra!
-Ta sortak jasotzeko
gaiñ gañez indarrak
¿nork eman dizkik bada?
-¡A jauna! Bearrak.
|