Udaberriyari
Selgas, [Jose]
¡Udaberriya! Zer poz aundiya
Sartzen didazun biyotz-barruan
Begiratzean poza, nausirik
Sortitz osuan.
Ikusitzean, nola zurekin
Mendi-muñoak poztutzen diran,
Anchumechoak bezela, nola
Saltatzen diran.
Nola jasotzen duten mendiyak
Elurrik gabe, tontor goitua;
Nola garbirik, urdiñ-urdiñik
Dagon Zerua.
Nola bertistez apaintzen diran
Charak, oyanak eta saroiyak;
Mota likurta gozoz beterik
Dauden zelaiyak.
Nola zuaitzat betederdurik,
Zabaltzen duten itzal gozua;
Nekaturikan dagonarentzat
Bedeinkatua.
Nola maitaro gordetzen duten
Adar-artean kabichuloa,
Choriyak beren umechoentzat
Egintakoa.
Nola choriyak kantatzen duten,
Atsegindurik, orri-tartean
Eguzkiyaren-argitasuna
Datorrenean:
Nola kaut oyek esnatzen duten
Lotan zegoen iturrichoa;
Bai-ta beerago dagon erreka
Leyarrezkoa.
Murmur egiñaz, nola dijoan
Lore-tartean ibai garbiya,
Bere kolkoan erantzaturik
Zeru guztiya.
Eta beerago, nola dijoan
Arbol ostotsuz inguraturik,
Ayen itzalpe naigarriyagaz
Gozaroturik.
Nola dijoan, ugarituaz
Zelaiyetako choragarriyak;
Ur garbiyakiñ bustirik, bazter
Ezkutatiyak.
Apar churizko bagak egiñaz,
Aitzean pizkor nola dijoan;
Ugoldiyetan paketurikan
Nola dagoan.
Nola batutzen zayon menditik
Amildutzen dan errekachoa,
Naroturikan utzirik leku
Bitartekoa;
Dakartziela kolko garbiyan
Iturrichoen doneskañiyak,
Bere bidean arkitutako
Goai guztiyak.
Febo gorriya, nola Zeruan
Azaldutzean suzko gurdiyan,
Antzezturikan agertutzen dan
Ibai garbiyan.
Nola loreak makurtzen diran
Agur egiñaz eguzkiyari,
Negu-lañoak urrun birali
Dituenari;
Ken-duenari mendiyetatik
Lenago zuten elur-mantua;
Zeukana lurra, bere mendean
Gogor lotua;
Dituenari, larrosatutzen
Bazter guztiyak, azaldutzean,
Itsasoaren, kolko bustitik
Goratutzean;
Dituenari Zeru garbiyak,
Arratsaldean; urreztatutzen,
Danean, gure begiyetatik
Ezkutatutzen.
Zelai guztiyak dituenari
Jarri mirariz estalirikan,
Bere beroaz lur izotztuak
Indarturikan.
Larrosak, nola zabaldurikan
Beren -oporra, gabaz ichiya
Botatzen duten inguruetan
Usai eztiya.
Nola azuzenak, egun sentiyan,
Azaltzen diran miragarriyak,
Erakutsirik intzaren tanto
Dizdizariyak.
Nola beretan irrist egiñaz,
Jostatutzendan artekaizea
Zelai zabala dana lagarik
Bagaz betea.
Aintzir eder bat dirudiyela
Gozotasunez mugidatua,
Begiratzean zeñ garbiya dan
Bere kolkua.
Nola zumarrak, itsatsirikan
Daukan mats-ayen goratzalela
Erakutsirik bere gañean,
Pozez, alea.
Nola dastatzen duten erleak
Loreen ezade dastagarriya
Onelatikan ateratzeko
Gero eztiya.
Enadachoak nola kabiya
Duten egiten tellatupean
Beren egoitz negutokitan
Itzulitzean.
Nola choricho jayo-berriyak,
Luma kizkurrez apaindurikan
Irtetzen diran egaatutzera
Kabichotikan.
Ama-choriyak nola doazen
Ayen ondoren, erakustera
Pelleburuak non dauden; berak
Kontuz zaitzera.
Arkumechoak nola dabiltzan,
Ameen ondoren, beeka gaisoak;
Nola jostatzen diran, pozturik,
Anchumechoak.
Arkaitzak eta larre-zelaiyak
Beera, pizkorrik, saltaturikan,
Belar ederra dagon tokiyan
Gelditurikan.
Nola len zeuden odei trinkoak,
Gure gañetik iges joandiran;
Elkarri, setaz, bultzaturikan
Beren joairan.
Nola gaur zerbait ikusten bada
Len odei beltzak zeuden lekuan,
Laño churiya dala, jiraka
Gurpill-moduan.
Dirudiyela gora ta beera
Dabillen aurcho jostatzallea;
Kabitik, oraiñ, pozez irten dan
Chorikumea.
Gañetatikan, dunbots-egiñaz
Nola jeisten dan aramildea,
Biralirikan amiltokitik
Ega-jendea;
Baso gereizdun bereziyetan
Ezkutaturik, kantatutzera,
Beren izkuntzan, otsezlitzuro,
Mintzatutzera.
Nola Zeruan, izar ederrak
Dizdiz egiten duten gabean,
Beren dizdizak butargiturik
Emen lurrean;
Et' illargiyak zabaltzen duben
Argi gozatsu zillarrezkua;
Bere errañuaz churiturikan
Zeru-izartsua.
¡Udaberriya! Lore polliten,
Chori ckikiyan era maitea;
Zuk; Sortitz dana lagatzen dezu
Pozez betea.
Zu zera, biyotz illak piztutzen
Dituzun era maitagarriya;
Negu beltzeko tristetasunen
Garailariya.
Zurekin datoz usai gozoak,
Alosi eziñ esangarriyak,
Eta gizona lilluratutzen
Duten argiyak.
Agurtzen zaitut, agurtzen zaitut
Biyotz-biyotzez, udaberriya;
Beti-kantako det zeradela
Nere pozkaiya.