Zure arrainen ohointza nola gertatu da
Sein, Manuel (Txanpun, Xanpun)
1
Urte akabantzan denek badakite
Gauza onak jatea denek dugula maite
Ni saltzen ibiltzen naiz eta ez dut kalte
Hortako nere putzuak bai arrainez bete
Ta denek diote
Naski orai arte
Arrazoina dute
Akabantza haste
Ohart gabean denak ebatsi nauzkite.
2
Langosta eta homar, larogoi bat kilo
Lau zakur zaintzeko nor zagon trankilo
Bainan lapur zikina hura ez zagon lo
Nere zerrakur hartan eginik lau zilo
Handik zaizkit igo
Bat baino gehiago
Arrastoak dio
Zer du ba balio
Hantchet merezi zituztela bi tiro.
3
Kondatzen zaituztet nere bihotz mina
Ta biharkotz ere badut nere grina
Batetik moltsa daukat gaur arin arina
Eta bihotza ere bi parte egina
Berritz balitz jina
Dezala jakina
Egina dut zina
Hemendik aintzina
Bertan garbitzen dut nik lapur zikina.