Jesus Zubeldia

Sein, Manuel (Txanpun, Xanpun)

 1

 Leku goxoa bezin maitea nola den Ondarribia

 Alaitasun ta ere berdin da nortasunaren kabia

 Egun batean xoko hortarik aize goxoaz balia

 Airatu eta Ziburun egin du bere pausa aldia

 Geroztik gure errexinola dugu Jesus Zubeldia.

 2

 Ondarribitik airatu ordu pausatu baitzen Ziburun

 Bi kabi goxo eta maitiak ez dira elgarri urrun

 Hor dauka beraz maitez hautatu xori pollitño bat lagun

 Senide goxoz inguratuak ikusten ditugu egun

 Erakutsiaz nola gintazken euskaldun ta fededun.

 3

 Zonbat talde den gaur zuri esker ibilki airoski kantuz

 Zuk moldatua gaur dauzkan bozak zuzenduz bezala lantuz

 Zer lanak eta buru hausteak denak zure kondu hartuz

 Zerbeit ordaintza egin nai dugu omenaldi hau moldatuz

 Gaur bereziki zure omena ta nortasuna goratuz.

 4

 Gizon argia zira bai buruz eta halaber eskuz

 Gure xokoa alaitu duzu bai kantuz eta bai xistuz

 Zuk dakizuna bertzeri ere agertu eta erakuts

 Ahal guzia zabaldu duzu herri maiteari buruz

 Egin gaituzun ongi guziez Milaka Eskerrak Jesus.