[Bertsotan]
Sein, Manuel - Enbeita
1
XANPUN
Gazte maite hau gaur etorri zait
neri lan galdez etxera,
kaltekorra da zinez neretzat
gazte on baten galtzea,
bainan hala ere ausartatzen naiz
hau berari eskatzea,
egi-egitan lan-gogo onez
hunat etorri altzea?
2
ENBEITA
Bizi beharrak hala jarrita
hemen nator zuregana,
konprenitzen det gaur neregatik
dadukazun duda dana,
zintzo nator ta eman eidazu
jauna arren neri lana,
jornala barik bakarrik nai det
nere etxearen jana.
3
XANPUN
Nagusi batek kezkak baditu
gaia azaltzen denean,
egun ez nuke naski nahi egon
langile hoien menean,
emanen dautzut ofizioko
lagun bat aldamenean,
bertzeik ez bada hau bai bederen
ikas dezazun lanean.
4
ENBEITA
Len ere zutaz nik gauza onak
aditu nituen baina,
enuen uste aurkitutzea
horren zintzo ta apaina,
egingo dizut nik nere lana
neri eskatua aina,
ta zuk neretzat bakarrik eman
eiten detanean ordaina.
5
XANPUN
Beraz gaztea sartu zaite gaur
nagusi hunen gerizan,
badakizuna beharko duzu
naski lanean ari izan,
ni portatuko naiz zuzen ta
nagusi on baten gisan,
zure partetik gazte maitea
zu araberako izan.
6
ENBEITA
Dudarik bada nik gura neuke
ateratzea bertatik,
enaiz etorri ni bizitzeko
ugazabaren lepotik,
kontzentzi bat det ta ez dit ixten
jaten besteren ogirik,
lana emaidazu bizi nai det ta
nik neronen izerditik.