|
Amoriyo fiņarenak
Sebero
(Jarraipena)
Ama ez neri esan
Orrelakorikan
Ez det nik bestegana
Amoriorikan:
Ezin alegra leike
Bere barrenikan
Komenientzi ona
egonagatikan.
Utzi alde batera
Orrelako lanak
Ez ditut nik ikusten
Zu bezela damak
Nai badituzu artu
Onra eta famak
Moldatuko zaituzte
Aitak eta amak.
Denbora konpliturik
Galaya abiyan
Zer pasatu ote zan
Aren memoriyan
Gurtarik artu gabe
Izan dan aspaldiyan
Inozente sartu zan
Jayo zan erriyan.
Au da lendabiziko
Izan zenduana
Zer da musikarekin
Onratzen dutena?
Markesaren alaba
Kaliak barrena
Eposario zala
Ark biar zuena.
Desmayaturik egin
Zuen ordu bete
Gero nobiya eske
Itz bi egin arte;
Inguratu zitzayon
Makiņa bat jente
Bigarren ordurako
Il da derrepente.
Gaba pasatu eta
Urrengo goizean
Entierrua zuan
Bigarren klasian;
Markesaren alaba
Guzien atzian
Zer pena izango zan
Arren biotzian.
Penarekin lerturik
Antonio il zan
Akonpaņatu zuan
Juanitak eleizan:
Maitasuna baziyon
Esan dedan gisan
Geroztikan etzuan
Osasunik izan.
Erremedia balei
Sentimentu ori
Bitarteko bat jarri
Jesus maitiari;
Orazio egiņaz
Birjiņa Amari,
Zeruan gerta dedin
Antonio Mari.
Alkarren konpaņian
Guk ere nai degu
Birjiņa egiozu
Jaunari erregu
Kristau guziyogatik
Baldin albazendu
Iturrino'k orrela
Desiatutzen du.
|
