|
Amoriyo fiņarenak
Sebero
Egun seņalia zan
Gogoan artzeko,
Esan ziyola aren
Etxera joateko;
Deseo dedan itz au
Manifestatzeko
Zurekin Antonio
Nago izateko.
Zer esaten dirazu
Juanita itz ori
Tentatzen ai zerala
Trazak badirudi
Etzait zure gradurik
Tokatutzen neri
Ez burlarikan egin
Marineruari.
Iduki dezakezu
Ongi sinistua,
Aspaldian nagusia
Zutzaz gustatua:
Etzaitut nik utziko
Desanparatua
Ala egiten dizut
Gaur juramentua.
Konformatu ziraden
Alkarren artean,
Ezkonduko zirala
Urrengo urtean:
Eskolak ikasteko
Biyen bitartean
Beraren erritikan
Guztiz apartian.
Ala disponiturik
Jarri zian biyak
Kartak entenditzeko
Alkarren berriak:
Formalidadiakin
Jartzeko egiak
Baņa etziran lo egon
Amaren begiyak.
Alperrik izango dira
Aserre gurian,
Ez naute mudatuko
Eternidadean:
Esposatu nai nuke
Kariņo onian
Antonio Maria
Etortzen danian.
Ezin egon zan ama
Itz ori sufritzen
Beriala asi zan
Kartak detenitzen:
Intentziyo aundiagaz
Ezkontza galdutzen
Juanitak alakorik
Etzuen pentsatzen.
Amaren maleziya
Korriora joan da
Antonio iltzala
Egin zuen karta:
Juanitaren tristura
Maitia izan da
Engaņatua bestek
Gezur bat esan da.
Amak esaten dio
Juanita neria
Galdu da diotenez
Antonio Maria;
Nik billatuko dizut
Beste bat obia
Mayorazko interes
Askoren jabia.
(Jarraitzeko)
|
