NATO = OTAN = Imperioa
Murumendi
1
Antzina euskaldunok
geure burujabe
geroz gaude gabe
borrokatu beharra
lurtxo honen alde
Erroma egina zen
Penintsulan jabe
eta Euskal Herriak
zirudien labe
borroka eta tratu
inoiz amaigabe.
2
Orduko militarrak
euskaldunak ziren
gauzak nola diren!
lur hau gordetzen zuten
piztiak bailiren
ondoren godo eta
visigodo biren
artean iraun zuten
nola-hala gailen
orduan ere lur hau
borrokan zebilen.
3
Mairuek Penintsulan
eginik sarrera
ta dena aurrera
visigodoak larri
babesdun lurrera
Asturias aldera
harturik karrera
Euskal Herriarentzat
zer pake ederra
heurentzat guri lehen
jarririko gerra.
4
Mairuei eutsi eta
ozta-ozta bizi
hau bai dela bitxi!
frankoak iparretik
sortu ziren bizi
Zaragozatik zehar
Iruiņea hautsi!
Orreagan astindu
hainbeste ihizi
behin behar genuen da
gerra irabazi.
5
Nafarroan sorturik
Euskal Erresuma
ta askatasuna
Aritza ta Semenok
zuten osasuna
gudaloste militar
zer handitasuna!
mairuak uxatzeko
ah! zer gaitasuna!
orduantxe lortu zen
euskal batasuna.
6
Geroztik espa eta
grina txar guztiak
gara ikusiak
gaztelak suntsiturik
batzu ta besteak
hamaseigarren mende
odolez bustiak
menperatu gintuen
ez oso eztiak
goserik baitzebiltzan
betiko piztiak.
7
Halere soldaduska
gerratetakoa
ez txantxetakoa!
probintzi mugen barne
zerbitzatzekoa
soldataduna baitzen
hortik kanpokoa
z oraingo moduan
nahitana-hiezkoa
edo kobratu gabe
borrokatzekoa.
8
Mila zortzirehun eta
hirurogei eta
hamaseia da ta
Uztaileko hila
ta hogeitabata
Foru Legeak ere
kenduak dira ta
Inperioarentzat
sodadu gara ta
euskaldunak Cubara
negozio baita.
|