inprimatu
Mitxelenak daukazki Gasteizen
Izenburua:
Mitxelenak daukazki Gasteizen
Sinadura:
Sarriegi Eskisabel, Andoni (Murumendi)
Urkizaren iruzkina:
Egilea(k):
Sarriegi, Andoni

Argitalpena:
Zeruko Argia.
Urtea:
1982
Argitalpenaren urtea:
Alea:
924.zk.
Orrialdea:
37

 

 

 

 

faksimilea ikusteko


Mitxelenak daukazki Gasteizen

 

Sarriegi, Andoni (?)

 

 Bertso berri batzuek

 gaur ditut ekarri

 zenbaitsu gauza hemen

 bai harrigarri!

 Euskarari buruzko

 gaiak oso sarri

 erdara ederrean

 guk burubelarri

 hauxe samingarri

 eta sumingarri

 Lehen hemen larri

 elur eta harri!

 erdaldunak gozatzen

 dituzu jarri.

 

 «Idazlan Hautatuak»

 liburu bikaina

 gomendio mamitsuz

 dago egina.

 Geroztik ere bada

 zurerik hor baina

 gaurko bizitzarako

 hartu behar gaina

 aurkiturik zaina

 heda alabaina!

 behar dugun aina

 emanik tamaina

 bizitza euskalduntzen

 bai alajaina!

 

 Euskal Herriko doktor

 ta gainerakoak

 gaur arte ez dituzte

 histori bapoak.

 Dena erdaraz landu

 izanik doktoak

 euskaraz gerorako

 utz egitekoak

 hemen gaur gaurkoak

 bihar biharkoak

 berehalakoak

 premia nahikoak

 nork ditu eskuetan

 UZEIk lakoak?

 

 UZEiren lana ez da

 paradisukoa

 ez eta behin betiko

 egindakoa

 baina «peoi» askotxok

 bultzatutakoa

 zuen belaunaldiak

 egin gabekoa

 emanik ukoa

 hora ba jainkoa!

 hor digo gakoa

 ta bera nahikoa.

 ez izan zu nolabait

 sailerakoa.

 

 Euskal idazleogan

 estimazioa

 bazenuen zuk noski

 bendizioa.

 Etxekoei ez bota

 zuk maldezioa

 Lagun lanean eta

 utzi azioa

 guk arerioa

 alferren zioa

 hor da bizioa

 eman lezioa

 Euskaraz piz dadin eus-

 kal nazioa.

 

 MUGA, MUGAKIDEOK

 erdara zaleak

 gai hauek tratatzeko

 euskara gabeak.

 Mitxelena non dira

 zure zutabeak?

 erdaraz nola landu

 euskara-legeak?

 zure lan hobeak

 hor nonbait gordeak

 oso dotoreak

 ta guztiz trebeak

 aspaldian zai gaude

 itzultzaileak.

 

 Bai Ibartzabal Jauna

 kritika liteke

 ez ordea erdaraz

 orriak bete.

 Landu euskaraz gaiak

 kazetari trebe

 noraino heltzen zaren

 ikus alafede!

 UZEIko lan gabe

 har ezazu xede

 politikaz ere

 euskaraz jo ta ke

 bitartean nolanahi

 isilik hobe!

 

 Jaunak behar ditugu

 maisuak zorrotzak

 gal ditzagun betiko

 erdal morrontzak.

 Euskaraz gaiak landuz

 eta sartuz hortzak

 ez erdaraz idatziz

 pozturik arrotzak

 harturik nau lotsak

 betiko mingotsak

 erdaldunen hotsak

 iluntzen bihotzak!

 kritikak egin bitza

 euskal ahotsak.

 

 Eusko Jaurlaritzari

 orain zenbait ohar

 Euskara lan dezagun

 sua eta gar.

 Argitarapenetan

 trafiko-lana sar

 administrazioa

 ta lege-lan zakar

 erabakiak har

 berandu da bihar

 orain dira behar

 gero ez egin negar

 eta Boletin hori

 taxutu azkar.

 

 Hemen hautsi lezake

 nork berea zohia

 baina balak kalera

 datoz doi-doia.

 UZEIrenak jo dute

 bakarrikan goia

 tamalez besterik ez

 hor dago sasoia

 ez nahasi lohia

 Lagundu "peoia"

 ireki kajoia

 eman arrazoia.

 historiak emango

 dio koroia.

 


inprimatu