Boti-ri erantzuna

Murumendi

 Kaixo aberkide BOTI

 sozialista gorria

 ederki zabaldu duk hik

 liburuko orria

 hamazazpi duk urtea

 eta hila urria

 URSSeko nazioentzat

 izan duk bihurria

 autodeterminazio

 hitza duk teoria

 «baina praktikak sortu dik

 eguraldi gorria». (2)

 Galde ezak nola diren,

 gaurregun Ukranian

 edo ta nahiago baduk

 halaber Georgian

 berdintsu samar zebiltzak

 baita ere Tartarian

 hizkuntzari, ezin eutsiz

 itotzeko zorian

 eta independentzia

 aipatu ezinian

 «Leninen lausengu haiek

 non ditek azkenian?» (2)

 Barnean hola badituk

 kanpokoa duk ona

 Txekoslobakiakoak

 izana zian sona

 Hungria ere hor duk ba

 isil asko dagona

 Polonia ere ez duk

 munduko zoriona

 non duk ba bakoitzak behar

 duen askatasuna?

 «blokea mantentzearren

 denentzat itomena». (2)

 URSSeko Gobernuaren

 lagun txarra omen haiz

 ez duk Gobernu-arazo

 pentsatua diat maiz

 Txinak berdin jokatu dik

 honelako zenbait gaiz

 Tibet, Afrika ta beste

 nazio txikiei gaitz

 Sistema-arazoa duk

 kontura hadi garaiz

 «nazio txikiak ore

 eta blokeak harkaitz». (2)

 Kristautasuna dotrina

 ederra duk benetan

 baina kapitalismoa

 erne bere lurretan

 Nicaragua, El Salvador

 Vietnam eta bestetan

 eskuintasun izenean

 inperio-lanetan

 bazterrak kiskali eta

 herkideak zangetan

 «blokearen interesak

 zeudek bada denetan». (2)

 Sozialismoak ere

 dik dotrina ederra

 ondasunak banatzeko

 zuzentzeko okerra

 baina ertzera joanik

 bihurtzen duk ankerra

 proletalgo-diktadura

 mamitzean duk berra

 talde batek agindua

 denek bete beharra

 «langileen izenean

 langileei egurra». (2)

 Kapitalismoa eta

 Komunismoa ere

 bloke bezala harturik

 jarri nizkian pare

 hortik ba neutraltasuna

 nahi nik halafede!

 hi ere talde libreaz

 mintzatu haiz halere!

 blokeen menpe izanik

 ezin baituk ezerre

 «horietatik kanpora

 bizitzen baituk hobe». (2)

 Edozein herritan eta

 baita ere Euskadin

 beti izango baitituk

 ezker eta eskuin

 kontua duk abertzale

 jokoan dabiltzan fin

 ala inperioentzat

 egiten ahalegin?

 gaineratikoan biak

 Euskadirentzat berdin

 «dirua berdindu arren

 Euskara aska ezin». (2)

 Hire proposamendua

 ezkerra duk bakarrik

 baina gizartean baduk

 bestelako indarrik

 hori Soziologiak

 garbi agertua dik

 inoiz alde batetarantz

 joan arren bildurik

 gero oreka sortzen duk

 erdian geraturik

 «zerbait lortzeko abitu

 denekin kontaturik». (2)

 Ezkerrarentzako hemen

 etxeko eskuina

 kanpoko ezkerra baino

 lehenagoko muina

 eta eskuinarentzako

 etxeko ezker-grina

 kanpoko eskuina baino

 lehenago jakina

 hori gertatzen ez baduk

 behingoan alajaina!

 «berriz arrotzek hartuko

 zigutek guri gaina». (2)

 Inperislistek guretzat

 ezker ala eskuinak

 menpe iraun erazteko

 dizkitek lan berdinak

 «GORRIA, HAUTSIA baino»

 nahiago ditek denak

 beraz horiei «gorritzen»

 ez egin ahaleginak

 bestela gure indarrak

 bakar bezain lirainak

 «irentsiko dizkiate

 ezker edo eskuinak ». (2)

 Akats bakarra diagu

 guk Historian zehar

 beti bi talde eginik

 hondar, hauts eta kear

 karlista eta liberal

 oinaztar da ganboar

 orain berriz berrikitan

 eskuin eta ezkertar

 eta laguntzaren bila

 kanpora su eta gar

 «kanpoak emana bati

 kanpoak jon behar». (2)