Beasain nere herriari
Sarriegi, Andoni
-1-
Lantegiz eta etxez beterik
Oriaren ibarrean
Autobide ta burnibideak
Uzten dizuten lurrean
Nekazaritza eta landolaz
Ihardunikan lanean
Euskaldun sena urria duzu
HERRI gaurko egunean.
-2-
Nekazaritza, merkatalgoa
Ta burdinola bizkorrak
Behetik gora jaso zintuen
Joan zen mende malkorrak
Ta oraingoan bultz egin, dizu
Industriaren gogorrak
Baina azkenik lantegiak'e
Gerta zaizkizu satorrak.
-3-
Duela hogei bat urte hontan
Hamaika jende bildurik
Euskaltasuna zuk ere duzu
ia-ia dena galdurik
Etxe ugari egin ondoren
Jendea erakarririk
Orain bertako semeontzat'e
ia ez duzu tokirik
-4-
Halere sortu zaigu berriro
Galdua genduen hatsa
Ikastola ta gau-eskolekin
Bihurtu zaizu arnasa
Lantoki egoki ta jatorrak
Sortzea da lan bat gaitza.
Baina, oraindik gizonik duzu
Jarraitutzeko gorantza