Sagarra
Deunoro
Ederra zara, Jaunak ludiko baratzan
Lurra txeratsu emoteraiņo zuria,
Ta leun zan euzkik bero ta argia eskeiņiz,
Zorapen-zitu damozu noznai guria.
Zure margo leun, itxura bizi ta usaiņak
Mukerrena be garaitzen dabe okerrez...
Baiņa nigandik "ezetz" dantzuzu ozenki,
Iņoiz ez nozu zuk garaituko maltzurrez.
Margo dird itsuz gordea dozun soin-zear
Bikote baten indar-kemenak osorik
Lurrera zitun makets ilkor ta doilorra
Agiri dozu oraindik here gaiztorik.
Zeu zaitut, gaizkin, len-gurasoen erorle,
Bai ta, eriotz-alde, Aitaren Semea
Gizon-erazo zendun igali galkorra
T'orain nai dozu ni atzipetu, dongea.
Zure lillura, itxura lerden ta usaiņez
Zorakorturik ibilli arren india,
Naspil orretan ni be ba'nenbil sarturik,
Bardin nintzake benetan zoro andia.