Gaxo txar bat
Sarduy, Deunoro
Zer dot ikusten negargarrizko
Erbeste gizartetan...?
Enda, aberri, uri ospetsu,
Aundi eta txikietan...?
Zer dot ikusten gure baserri
Deun ta maitagarrietan...?
Zer... Kurutz Deuna jarririk dauken
Euskalerriko mendietan...?
Zeru urdiņaren agindu danak
Ausi ta oinperaturik,
Lasai ta barrez gizadi gaixo,
Lizunkerian sarturik!
Nor gara, baiņa, gu, bizitzeko
Lege onek apurturik...?
Ez ete dogu gaizki egiņen
Kezka, ez Jaunan bildurrik...?
Gaurko kristauak ardura gitxi
Gogoatzaz dogu jarten;
Naikoa lanik dauku gorputzak
Margoztu eta apaintzen.
Ai, giza-gaixo...! Zer dogu egin
Ludi oso geuganatzen...
Betiko bizi daukan gogoa
Gorputzaz badogu galtzen...?
Gorputz lizuna erdi billoizik
Zabiltzaz emakumia...,
Arritu zaitez!... Laiter yatortxu
Jaungoikoaren epaia.
Isaias'ek dirautsu argi
Zein dan onentzaz saria:
"Usain garratz ta ulea moztu
Ta saku zar bat jantzia".
Ai, ene gazte! Aragi usain
T'atsegiņak itsututa,
deabruaren sare artera
Zoaz olan jarraituta.
Buru bakoen bide galgarri.
Orreitan sariuta:
Zer billatzen dok? Atsegintxu bat
Zeru ederra galdu-ta...?
Estaldu zaitez emakumia...
Gazte maitia!... aitortu,
Galdu zenduan Jaungoiko onaz
Barriz egiņaz alkartu.
Au egiņagaz ludiko bake
Ta zoruna daigun lortu...
Karmen'go Ama, maitasun kutxa,
Zeure babesian artu...!
