Artxandatik Bilbora begira
Egaņa, A.
Begira nago jarria beraz
zeru erditik mundura
Bilbo aldeak sortu du nere
barrunbe hontan ardura
kez estalia ikusitzen det
hiri haundiren modura
hori da zatar itsura
zalantzan nago oraindik ere
petrolioa den hora
hurbildu eta konturatu naiz
dala Nerbioiko ura.
Beraz gizonak jarriak daude
kutsaduraren esklabo
Bilbo aldeko biztanle denak
martxa honetan akabo
kutsadurak hor ba omen dauzka
nik ez dakit zenbat grado
garbia gendun lenago
orain zikina nagusitu da
piskana eta gehiago
erremedioa ipini dezan
Udaletxea non dago?
Alper-alperrik hasi ziraden
amen, arren eta arren
ibai zikinak goikaldetikan
zerrikeria zekarren
gure hirian bizi beharko
al denik eta ondoen
badaukagu nahiko kemen
nonbait egin gura balute
lana sobra dago hemen
beraz al dala bete dezagun
guztiok ito baino lehen.
Gazte aroan eduki nuen
Sarasua, J.
Gazte aroan eduki nuen
besteak hainbat arazo
baina hoiei balear-bakarrik
nahi izan nien eraso
gaur zapatilak lotu ezinik
aurrean daukat frakaso
maitasunikan ez nuen eman da
maitasunik ez det jaso.