Orain gertatzen dana

Sarasola, Juan Jose

 1

 Gauzak obligatzen nau

 Bertsuak jartzera

 banua, gramatika 

 irakurtzera

 alkar serbidezagun

 kristaben antzera

 bestela datorkigu

 anima galtzera,

 pakia sortzera

 ez egon atzera

 zerbait laguntzera

 sayatu ontzera

 ibillera gaxtuan

 griña kentzera.

 2

 Oraiñ ogeita bost

 urte ziran asi

 garbi esposatzia

 nai galerazi

 sanuak ez gaitezen

 ortaraño jausi

 tentaziyo txarretik

 inzagun igesi

 datorrena ekusi

 famili eta guzi

 aurrak ondo azi

 ala du merezi

 zarraren ejenpluan

 obe da bizi.

 3

 Ogeita amar egun

 ziran Abenduan

 Donostiyan Junta bat

 izan genduan

 Ilbeltzaren amairuan;

 gero urrenguan

 milla ta beretzireunda

 zazpigarren guan

 batzuak lenguon

 nai dute munduan

 kariño senduan

 alkarren onduan

 ageriko da zenek

 portatzen duan.

 4

 Zibillak ezkontzia

 desio duanak

 elizetara gabe

 egin nai lanak,

 notiziya izanzan

 itxizeko danik,

 oraindik eztu utzi

 buru dagon Jaunak,

 ain kontra juanak

 zabarrak egonak

 batez ere gonak

 engañiyo onak

 besterik gaixtu nai

 oker dagonak.

 5

 Libertadeko Ekontza

 nai duenak ekarri 

 protestante legia

 lezake jarri

 bat gustatzen bazayo

 lenbiziyan erri

 gero ibilliko da

 mundu parragarri

 burla egin ta korri

 egindu sarri

 amoriyoz urri

 muratzeko larri

 ekusten dira zenbait

 istillu gorri.

 6

 Zerda gure arteko

 biziyo geyena

 aragiyaren gaitzak

 dakar geyena

 estranjero askori

 gustatzen zayena

 beren alde jartzia

 luteke nayena

 kontrako ayena

 degu lasayena

 izketa layena

 arturik goyena

 errespeto eskasa

 dago oyena.

 7

 Kapa beltzaren kontra

 asiyak ostera

 lenguaje gaxtuak

 erakustera

 biurtu nai lirake

 estadu tristera

 amar diran lekuan

 bajatu bostera

 gaizki ekustera

 galdurik euskera

 ortako izkera

 sarzagun auspera

 portatzen eztuenik

 iñor ez gera.

 8

 Eliza fundatu zan

 San Pedro'ren gandik

 artikulo eder bat

 jakin det andik

 geroztikako saltsak

 esango det nundik

 Kredua borratu nai

 albalitz iñondik

 eztago-ordenik

 ala uste det nik

 urte asko juanik

 orrelako lanik,

 ezin sinistatu det

 galduko danik.

 9

 Batzuen arrokeriz

 sortzen diran gauzak

 luzimentu gutxi du

 gure grandezak

 galestiyak diala

 pregoi eta mezak

 eskritura debalde

 aldute juezak?

 pobre prestu esak

 baju interesak

 egiteko noblezak

 modu alrebesak

 geyena kausatzendu

 sopritu ezak.

 10

 Ezkontza txarretatik

 datozen nastiak

 pamiliyako buru

 alrrebestiak,

 gurutziari eutxi

 senarra mastiak

 gu ilko gera bañon

 badatoz bestiak

 kontuz  ajustiak

 naiz asko kostiak

 ez nere albistiak

 arritu gaztiak

 ez geyegi itxutu

 mundu tristiak.

 11

 Beste estadukuak

 ezkondu gabiak

 jeniyo batzuetan

 igualdariak

 guziyok baditugu

 geren findariak

 bañon tiratzen gaitu

 bakoitzak beriak,

 nik ere neriak

 badauzkat iriak

 kunplitzen legiak

 zein geran obiak

 ezagutuko gaitu

 gure Jabiak.

 12

 Diabruan mendian

 jartzendan presuak

 bizi modu geyenak

 peligrosuak

 ¡ai! ibillera gaxto

 lujuriyosuak

 mintzen errazak dira

 oraingo gozuak

 aritu kasuak

 mirabe gaxuak

 eta gurasuak

 zabaldu besuak

 Jaunak zuzendu izala

 gure pausuak.