Zutaz jakitea

Santisteban, Karlos

 Zutaz jakitea

 basoko bidezidorretatik alegereki galtzea da,

 arratsalde berankorreko itzalaz jantzi

 eta otordu standarizatuak orrazi jakitunez

 biluztea,

 erantzunik gabeko berun-amildegia zamatuz

 galdera-geziek erasotua izatea;

 zutaz jakitea

 bizitzaren alegoriez tutik ez jakitea da,

 eztarritik oinpuntetaraino besarkatuz

 larrua aizto zorrotzez laztantzea,

 olatu geldigaitzen bultzaz

 odol nekatuan murgiltzea;

 zutaz jakitea

 adimena legamiaz haztea da,

 tropikaldeko ihintzaz kantu egarritsuak freskatzea,

 ispiluetako irudiez mailu puxkaezinak burutzea eta

 ispiluak puxkatuz

 ezintasun-puzzleak osatzea;

 zutaz jakitea

 nitaz jakitea

 bezain zaila da.