Maitasun elorria

Santisteban, Karlos

 Ez zuen inork erreparatu

 zure ahoko herenilean

 loratzen zen mizpirondoaz,

 ez zekiten grafitozko hortzetan

 maitasunaren eskuek

 destaina zizelkatu zutela

 marfilezko freskotasunean.

 Basakatu batek

 zure soan atzaparka

 inarrosten ditu mosu furtiboak,

 mihi jeloskorrak

 xurgatzen die mahatsei

 errubizko ardo

 malko upeletan ondua.