Ez dut esango

Santisteban, Karlos

 Ez dut esango ez

 maitasun basatia nire hitzetan bustia ez dagoenik

 ezta nire hortzak zorrotzak ez direnik

 marfilezko haginkadez

 desiratzen zaitudanean.

 Ez dut esango ez

 natur kontrakoa ez naizenik

 neguantza bere esku glaziarrez

 ate joka dagoela

 larruts zugan barneratzen naizenean.

 Ez dut esango ez

 zoratuta ez nagoenik,

 baina ezin bazaitut maitatu

 nahiago zaitut gorrotatu

 ankerki astintzen zaitudanean.