Agur Aitatxo
Andoaingo apaiz-gai ikastetxeko ikasle batek
Andoain'go apaiz-gai ikastetxeko ikasle batek,
Gotzai maitiari diyon azken agurra.)
Alde batetik poz-atsegiña
nabaritzen det aldian,
Eta bestetik negar samiña
ingurukoen artian.
¿Zergatik ote jaun gurgarriya,
Ez aldakizu aitatxo?
Artzairik gabe artaldetxo au
Uzten bai dezu lastertxo;
Zure semeak aitarik gabe
Umezurtz gelditzen gera,
Gu utzirikan zuazelako
Seme berriyak saintzera.
Orregatikan samintasuna
Orregatik da negarra!
Gauz batek baña poztutzen gaitu
Zertxo bait atzekabian,
Toki obera joango zerala
Emendik zuazenian.
Españiyaren erdi-erdiko
Madril bakaldun urira
Erri guztien buru nagusi
Aspaiditik dan errira.
Gora ta gora laisterka zuaz
Gure aitatxo maitia
Jarraiturikan zeruko Jaunak
Erakutziko bidia.
Orregatikan poztutzen dira
Pixka bat gure biyotzak
Atzekabian orretxegatik
Toki txiki bat du pozak.
........................................
........................................
Orain aitatxo beste gauza bat
Ixildu baño lenago;
Ou baño seme maitalegorik
Ez dezula iñon izango.
Asko maiteko zaituzte noski
Orixe gauza jakiña
Baña... guk aña? guk baño geyo?
Aita maitea eziña...
........................................
........................................
Au beti beti goguan euki
Beti izango da egiya
Naiz dala Madril naiz beste edozein
Zu bizi zeran tokiya.
........................................
........................................
Agur ba aitatxo eta zu beti
Oroitu zaitez an gutzaz
Eunda zekula ez gera eta
Emen aztuko gu zutzaz.
Zeruko Jaunak lagun begizu
Zure bizitza guztiyan
Bere gogua egin dezazun
Zuazen toki berriyan.