Choarrea eta erbia

Samaniego

 Arrano batek zuen

 Erbi bat atzeman,

 Eta zeukan itotzen

 Bi atzaparretan;

 Choarre batek, ustez

 Toki segurutik,

 Oju egiten dio:

 ¿Esaten ez dek ik

 Ez dala lur gañean

 Arkitzen mutillik,

 Lasterka i ainbat

 Joan ditekenik?

 Orain ¿zertan ago ur,

 Erbichoa, geldi,

 Orren mutill ariña

 Aizen ezkeroz i?

 Onela itz egiten

 Dion bitartean,

 Gibirui bat gañera

 Dator bat batean;

 Artzen du choarrea,

 Aren atzaparrak

 Kentzen diozka bere

 Burla eta farrak.

 Iñork mundu unetan

 Ez dezake esan,

 Ur onetatikan nik

 Ez det bear edan.

 Usterik guchiena

 Guk degun orduan,

 Arkitu oi gerade

 Besteen lekuan.

 Argatikan beñere

 Zori gaiztokoaz

 Ez degu egon bear

 Farraz eta burlaz.