Maiatzaren lehena
Salaberry, Etienne Joseph (So Egilea)
1
Maiatzaren egun lehena...
Birjina garbiaren hilabetheko lehen eguna.
Josepe Sainduaren bozkariozko besta-orena.
Egun berechi, lanaren ohoratzeko berechia.
Egun, langilek beren oldarraz irabazia.
Maiatzaren egun maitagarri, lehena.
2
Birjina garbiak, etche tchar izpi batetako andere.
Birjina garbiak lanean eman du bere bizia,
Iduri eskualdun etchekandere goizean goiz jeikia;
Eta Josepe Saindua ,aizkora handia eskuan,
Jo eta jo ari izan da, orga zaharrak ezin berrituz,
izerdi chortak merke, Nazareteko zurgintegian.
3
Birjina eta Josepe bezala, haste-hastetik,
Gizona, munduan ernatu deneko eta hezurrez zabaldu,
Bere sailari hasi da, errabia gaitzean langilea...
Jaungoikoak errana Zion: «Lurra uzten dut zure gain;
Gogorra da, zaila, idorra, ezazol eta hez-gaitz:
Zure gain emaiten dut, burura dezagan ene ildoa.
4
Hasi da harraskan, gizon langilea,
Berekin uztarten dituela idia eta behorra;
Berekin uztartzen haizearen hegala eta uraren jauzia;
Ichtaklok eman da langilea ikatz mandoaren gainean;
Ziztaka jauz-arazi ditu beren bidetik atomaren pikorrak,
Orok lauzka zezaten, Jaunak nahiaren arabera.
5
Emeki-emeki lurra apaindurik ezarri langileak;
Garhaitu: bainan luzaz ez ardietsi jin uztatik berea;
Ez ukan : eta ondar mendea ez zakoia izan guziz zorrotza
Haren ahurrak legundu du lur kazkarra;
Bainan lur kazkarrak igatu beren ahurra:
Goseak ez hiltzea, horra zer zen langilearen bizitzea.
6
Maiatzaren lehen egun eztia,
Ehun urthez aditu ditutzu langilen oihu-garrasiak,
Heien hasarrea hedoi gorri bat bezala zure inguruan!
Ari ziren guduka, zuzentasunaren alde:
Tresnak behar zuela egon langilearen bizitzea.
Eta ez langilea, Jainkoaren haurra, tresnaren meneko.
7
Haparkaren haparkaz joan dute partida:
Eztitu orduan lurra beren izetdiaz,
Gochatu herria jarriz zuzentasuna...
Gizona ez da otso izanen gizonaren atderat;
Gizonak ez joanen gizonaren haragitik pozia,
Ordu artinoko gudu izigarrian bezala...
8
Lantegietako langilek ardietsi beren gizon ohorea;
Bainan oraino laborariak ez ardietsi berea;
Laboraria gutitzat daukate, asko jaunchkita choroek:
Zangopeko norbait behar, eta hura laboraria..-.
Laborariaz irri, laborariaz batiatzen,
Bizkitartean haren eskutik ogi, arno eta esnea.
9
Ehun urthez, bere ohorearen ondotik,
Ibili beharko othe du laborariak ere?
Hainitz pairatu dutenen besta handia da egun:
Etche aintzinean, arbola bezain chut, jar zite, laboraria!
Zure zangoak, erroa bezala, eman ditela lurrari,
Zure burua, zuhaitz kasko, zilharsta dezan iguzkiak.
10
Maiatz hitabethea sartua zaiku ichil-ichila:
Hosto berriak ari zaizkigu abarretarik jalgitzen;
Chochoak gorde dira sasietan kantari...
Bertze besta bat Bethiereko Langile Jaungoikoak
Zuretzat dauka ,langilea, lurretik bertzalde,
Bizi balinbadaukazu papoan harek eman pindarra.