Ikus arte
Salaberry, Etienne Joseph (So Egilea)
1
Ikus arte, Jaun-Andereak!
Ikus arte, Etchekoak!
Leira mehailetik,
Hostoen gibeletik,
Jalgitzen ari da multcho ņimiņoa:
Zer nahi pikor berde dauzka, iduri arrosarioa.
Banoha behatzerat, nola lerroetan
Mahasti-zain Iguzkia, ari zaikigun lanean...
2
Ikus arte, Jaun-Andereak!
Ikus arte, Etchekoak!
Hitz hartua naiz erlearekin,
Kofoineko ezti-egile, adichkidearekin,
Lorearen bulharrari,
Murtcha eta churga baita ari:
Ez da hobeki lotzen haurra,
Ausikitzen duelarik amaren bulharra.
3
Ikus arte, Jaun-Andereak!
Ikus arte, Etchekoak!
Atherbean egon bedi nahi duena,
Jaungoikoaren emaitzez ohartzen ez dena.
Etzan gogo dut nik landa bazterrean,
Goiti abiatu ogi belhar sahetsean.
Izarrak papo-gainean chinhaurri,
Ilargi makurtua, buru-peko harri.