|
Zorioneko eguna
Satarka
Benetan
Alaia,
San Martzial'ko jaia!
Auxe gure mendia,
Mendi goragarria.
Bai gazte,
Bai zarrak
Jolasten dira danak.
Benetan
Alaia,
San Martzial'ko jaia!
Emendik
Begira
Alde guzietara.
Baserri, baso, mendi,
Ta landak ikusgarri...
Ta Irun'ek
Iduri
Usaidun lilitegi.
Zuk dezu
Almena,
Urantzu zar, gardena!
Iduri
Suben,
BIDASO ibai maitea.
Itsas zabal aundia,
Guztiz arrigarria.
ENDAIA,
ONDARBI,
Eder, polit, apainki.
Iduri
Subea,
BIDASO ibai maitea!
***
Lanean
Nekatu?...
Ernai... ez zaitez nastu.
Illun bizi zerala?...
Lasterka atoz onara.
Zarra naiz
Izan zu
Jolastu bear dezu.
Miņik ez
Oinetan,
Oi, San Martzialetan!...
Ikusi
Dezu Udan
Lore usaiduna landan?...
Lore eder ori da ba
Urantzu'ko alaba,
Usotxo
Apaņa,
Neska gazte, liraņa...
Miņik ez
Oinetan,
Oi, San Martzialetan!...
Gizonak
Bear du
Noizean bein pizkortu,
Urrun... oņaze, miņak!
Oi, Irun'go atsegiņak!
Atozkit
Lenbailen,
Bai jai ederrak aurten!
Gizonak
Bear du
Noizean bein pizkortu!
Ni ez naiz
Irun'go
Bai ordea urbilleko.
T'egun eder batean...
Emen, ustegabean...
Zoratu
Nintzan, bai,
Txaditan Jauzika alai.
Miņik ez
Oinetan,
Oi, San Martzialetan!...
Poztuko
Zera zu,
Ta gaņera sendatu.
Ta askotan naiko dezu
Gu danokin jolastu.
Ez laja
Geroko,
Datorren urterako.
Poztuko
Zera zu,
Ta gaņera sendatu!
Jai ontan
Txiroak
Dira txit aberatsak.
Oyes ta jakintsuak
Alkarrekin batuak.
Irundar
Jatorrak
Urantzu zarrekoak.
Aberats,
Txiroak,
Alkarrekin batuak!...
Zure zai
Gaude gu;
Une eder au ez galdu
Sagardo onak ditugu,
Gogoz edango dezu.
Ta gero...
Jauzika,
Kalez-kale irrintzika...
Miņik ez
Oinetan,
Oi, San Martzialetan!...
Banua
Jauna, agur...
Ez izan orren zimur...
Etorri,
Ez beldur,
Naiz eguzki naiz elur.
Egin ditut saioak,
Zoli dauzkat zangoak.
Parrezka
Or dator...
Arin, bizi ta pizkor,
Gure egun
Zoruna,
Txit zoratzen gaituna...
Benetan
Alaia,
San Martzial'ko jaia!!!
|
