Errenderi'ko Zabaleta'tar Juani, "Argia"-n aurrene'ko ta azkeneko erantzuna
Anastaxio
Ezagutzen da bertsuetako
nunbait yayua zerala,
etzenian era orretan
erantzungo bestela.
Usteko zenuen bertsuetan nik
batere ez nekiela
sinista zazu aotik aora baño
ontan obia naizela.
Errespetorik ez diyotela nik
diyozun aiton zarrari:
ontan obe zenioke begira
ondo zure buruari.
"Fariseorena" egiten gogor
aspaldian zera ari,
zurekin dituzun obenak
bota nayean besteri.
Beraz omena egin bear zayo
Alfonso Carlos orreri,
aitona dala zuk uste
baña mutilzar antzekoa dezu ori
aiton jatorrak ba-daude bertan
eta zeinbat buru txuri
erbestekuak laga ta
begira zayozu oieri.
Gure dotriña nolakoa dan
ez dezula ondo asmatzen
zuen ori jarri gaitian
pixka bat begiratzen
len integristak gaiztoak ziran
ala zenduten esaten
orain oiekin zertarako
ari zerate bat egiten?
Besteren mendean gauden arte
onela da gure era
kate gogor oiek puskatu eta
noiz bear ote degu atera?
Gezurrakin zeorri ari
zera betetzen papera
Prieto ta Alcala aurka bañan
indartzen ari da Euskera.
Zuengatikan, Euskera gaur
joana genduan bera
mingañez maite dezute baña
biotza beti bestera
begiratu besterik ezta
zure egipenetara
maite izan da, Euskeltzaletatik
¿zergatik atera?
Nai dezun guztia jarri ta gero
eman dezu barkaziyo
barkatzia lenagotikan
Jaunari gustatzen zayo
ez oker-txikia aundiz ordaindu
jarririk oso seriyo
nere ustean barkaziyo orrek
batere eztu baliyo.