Udaberri'ko abestia

Satarka

       Ortze ederra urdin

 Arkitzen da-ta, iñon ageri

       Ez da odei illunik...

       Ta bat-batean,

 Euzkigorria, ateratzen da

       Mendien atzetik...

 Udastea da... Zarrak, gazteak,

       Gaur ez gelditu beko errian...

 Alai ta pozez igaro bear

       Degu eguna, goiko mendian...

       Urretxindorrak,

 Or, basoetan, abesten dabiltz

       Abesti legunak...

       Gaur, ikusirik

 Edertasun au, ezin ixildu,

       Txoriño kutunak...

 Udastea da... Zarrak, gazteak,

       Azkar etorri mendi-mendira...

 Arin dantzatu bear degu gaur

       Laixter joanik zelai erdira.

       Ainara beltxak

 Gela zarretan, egin dituzte

       Kabi txit garbiak.

       Ikustekoak

 Dira, kabitxo oetan jaio

       Ta dauden umiak...

 Udastea da... Zarak, gazteak,

       Danak batean eldu mendira...

 Txistularia gure zai dago...

       Joan gaitezen zelai erdira...

       Zuaitzak nun nai

 Arkitzen dira osto ederrez

       Txit apain jantziak...

       Orra or urrin

 Ona eskeintzen lili politak,

       Gaur jaio berriak...

 Udastea da... Zarrak, gazteak,

       Pozaren pozez igo mendira.

 Jotzen ari da txistularia...

       Azkar guazen zelai erdira...

       Elurra lez txit

 Zuriak daude, landa zabalak

       Eta sagardiak...

       Orain, mendiko

 Leku guziak benetan dira

       Atsegingarriak...

 Udastea da... Zuek, neskatxak,

       Ez gelditu igo gabe mendira...

 Ospatu bear degu Udastea...

       ¡Bizkor, dantzara, zelai erdira!

       Naiz eguzkiak

 Anitz berotu, emen badago

       Gaur gozatzallea...

       Itsas-aldetik

 Ederki dator bigun-biguna

       Dan ipar-aizea...

 Udastea da... Zarrak, gazteak,

       Ongi etorri mendi-mendira...

 ¡Gora ta gora, Udaberria!

       ¡Aupa, dantzara, zelai erdira!