Txindorra-ren eriotza
Sagarzazu, Claudio "Satarka"
Kanta kantari gogoz ari da aspaldian
Txindorra, nere baratzako zuaiztian...
Udaberri da.. bañan aurten urrutian,
Eguzkirik ez, ta otza gure lurrian.
Alaz ere dei, txindorrak eguzkiari,
Egiz nai du ba benetako Udaberri.
Kantari dabil, bañan alper bere deia;
Beñere baño geiago otza ta eudia.
Urretxindorrak orria iraun ezin geiago,
Euzkirik gabe otzikara sartu zaio.
Ez dut aditu gaur txiruli ain alaia.
Loreak negar... naigabez nere zelaia.
Joan naiz bera egoten dan zuaitzera,
Nere arnas ta muxuakin berotzera.
Txori gaxoa!... Oi! belar gañean illik!!...
Negarr egin dut samintasunez beterikil
Zu ziñan gure Euskal erriko txoria,
Txori apalo, bañan kantari zolia.
Egun-sentian... Oi!, zure abes alaia...
Eguzkiak diz... intza... lilien usaia!...
Gabaz ortzean izar polit eta illargi...
Ni zoratu-ta... zu biotz guztiz kantari.
Zuk erakutsi zenidan, Udan
Goizik jaikitzen...
Txorien kantak adituz, lorei
Usain egiten.
Zuk erakutsi gure pitxiak
Kontuz gordetzen,
Kutxa zarretan usai onakin
Iraunazitzen.
Zuk erakutsi gure basetxe
Zarrak edertzen.
Eta bertako neska politak
Ziñez laztantzen.
Zuk erakutsi bertsolari on,
Zarrai laguntzen,
Azken urtetan pakean, lasai,
Bizi ditezen.
Zuk erakutsi euskal abesti
Zarrak kantatzen,
Ta aingeruaren seaskatxoa
Emeki ibiltzen.
Zuk erakutsi, baso, mendiak;
Maitez agurtzen...
Gure jaio lur zoragarria
Gogoz aintzaltzen,
Ta gauz guztiak bañan geiago
Bera maitatzen,
Eta guraso zarren fedea
Zintzo gorrdetzen.
..................
Gure Erri zarra goratu dezulako zuk...
Goxo, samurki, lurperatu bear zaitut,
Urrezko kutxa txiki baten barrenian,
Pozez kantatzen zenun zuaitzan azpian.
Kutxa barruan jarriko ditut liliak.
Ezti gozoa, belar ona ta igaliak.
Ori dana ta geiago irabazi dezu,
EUSKAL ERRIKO URRETXINDOR ADORETSU!!
Asko maitatu dezun gure lur zarrean
Egin zazu lo... ta atse den lore artean!...
Txori gaxoa!
Zure ondoan
Ezin
Naiz egon...
Aur bat
Bezela
Negarrez nego!...
Agur!...
Etzaitut
Iñoiz aztuko...
Neretzat ziñan
Egizko lagun.
Txindor
Maitekor!
