Olerkaria
Sagarzazu Sagarzazu, Klaudio (Satarka, GAR), /, (1923 134.zk.) 1
"Zubigar" olerkari
argi eta adiskide onari.
Olerkaria: ¿zergatik zaude
Gau ta egunez oldozten
Ez aldakizu beste gazteak,
Noiz nai dirala jolasten?
Udaberria datorrela-ta
Maite dituzu liliak?
Beste gazteak ezereztuko
Dituzte arroz txuriak.
Egun-sentia dala-ta zaude
Txoriñoari entzuten?
Beste gazteak lozorro dagoz (daude),
Ez dute goiza maitatzen.
Aurtxo gaxoa, otzak dagola,
Ta zu zera errukitzen?
Beste gazteak jolasten dabiltz,
Zu zaude beti oldozten.
Txiro maitea, naigabez dabil,
Ogi pixka bat eskatzen...
Zuri biotza mindutzen zaizu...
Besteak dabiltz jolasten.
Etxean Ama iltzera doa...
Ta negar dezu egiten.
Beste anaiak jolasten dabiltz,
Ez dira Amatzaz oroitzen.
Zuk zure erria jaso nai dezu,
Ta lana dezu egiten...
Beste anaiak jolasten dabiltz,
Ez dute erririk maitatzen.
Zure lurrean zuk ez dezu nai
Gizon zital ta jauntxorik.
¡Alperrik dezu! anaiak dabiltz
Jauntxoakin alkarturik.
Gure euskera nai dezula ondu,
Ta beraz zabiltz lanean?
Ixillik gaude, euskoak dabiltz
Irrika zure aurrean,
Olerkaria: ¿zergatik zaude
Gau ta egunez oldozten?
Ez aldakizu beste gazteak,
Noiz nai dirala jolasten?
Utzi betiko alde batera
Gogo, biotzeko gauzak
Ajolik gabe jolastu zaite...
Ta izango dituzu pozak.
***
Maitatzen ditut, ta ezin aztu
Aur polit, txori ta arrosak...
Jaunak egiñak dira guretzat
Gogo, biotzeko gauzak.