Hainbat urtetan probatua dut itsasoaren morrontza

Perez Eguskitza, Xabier (Euzkitze)

 1

 Hainbat urtetan probatua dut itsasoaren morrontza

 Sarri gozatuz, sarri sufrituz, bere bero eta hotza

 Bainan lehen gazte nuen gorputza ohean erdi hil-hotza

 Beintzat eskerrak entzun nezaken hainbat olaturen hotsa.

 2

 Hainbat barkutan ezin izan dut hara ta honako jira

 Denak batuta emango nion mundu osoari bira

 Nere alaba nere ondoan erdi negarrez ari da

 Neska, mesedez, hainbeste malko hemen ez zazula tira

 Altxa nazazu hea hiltzen naizen itsasoari begira.

 3

 Oso gazterik eman nuen nik itsasorako pausoa

 Aitortzen dut ez dudala izan bizimodu erosoa

 Zuri begira naiz zorionez nere alabak jasoa

 Naiz nik hainbeste sofritu milla esker zuri itsasoa

 Ni ezer ez naiz, zu izan zera nere bizitza osoa.