[Bertsotan]

Eguzkitze - Egaña - Sarasua

 Irukoteko saioa: Eguzkitze lo dago, Egaña iratzargailu edo despertadora da, eta Sarasua oilarra:

 Egaña:

 Gure gizona primeran dago

 mandarien babesian

 hori gaur ez du inork esnatzen

 txirriñak esna ezian

 Ollarak xuxen jaikitzen ziren

 garai haiek joan zian

 ze orduk arte egon zera bart

 olloekin jolasian.

 Sarasua:

 Despertadore japonez hori

 pilarik gabe al-dago

 Ollarrai ere behar duena

 eman ezian akabo.

 Ollo zarrakin eduki arren

 sekula baño gehiago

 ollanda gazteik ekarri arte

 kukurruku greban nago.

 Eguzkitze:

 Ollar txikia saltzara dator

 despertadorea berdin,

 bientzat ere nahiko lan bada

 juergista bat esna dedin.

 Arratsaldean zita bat daukat

 neskatxa gazte batekin

 haruntza juan behar det eta

 bostetarako hots egin.

 Egaña:

 Berak esan du pasa ditula

 festetako herri danak

 alperra da ta hori esnatzen

 badauzkagu gure lanak

 zertako egin hemen alegin

 dianak eta ez dianak

 hori errexen esnatutzen du

 soldaduzkako dianak.

 Sarasua:

 Soldaduzkako dianarekin

 han ohitua dago trebe

 orain permisoz etorri da-ta

 loak beregan podere

 Alper-alperrik da onentzako

 erloju edo abere

 alper haundia ez da esnatzen

 goma dos jarri-ta ere.

 Eguzkitze:

 Ez dakit dauden hauek maleziz

 edo borondate onez

 batek ollandak falta ditu-ta

 horreek pilarik izan ez

 nik gaurko zita arriskuan dut

 loti haundiak geranez

 sarjentoaren bat ez badatorkit

 «levanta pronto» esanez.