Neguan gaude

Iturri

 Zuaitzetatik osto ederrak

     Gaur asi dira

     Erortzen.

 Orain zu ere ¡gazte maitea!

     Pizkaka zuaz

     Amaitzen.

 Lore politak ere igarturik

     Erortzen dira

     Lurrera.

 Orain zu ere, ¡neska kutuna!

     Laisterka suaz

     Obira.

 Txori alaiak, baratz-oetan,

     Orain ez dute

     Abesten.

 Orain zuk ere ¡uxo txuria!

     Itzik ez dezu

     Egiten.

 Ortze illunean, euzki ederra

     Orain ez da-iñoiz

     Agertzen.

 Zure begiak ikusi ditut

     ¡Beti-betiko

     Itxitzen!...