Ene Ama Maria
Ortigosa'tar Luis Mari
Atsalde eguzkik diz-diz etxegain gorrietan.
Ipar aldera sugar lañotxo batzuetan.
Baratzan:... aizeño bat arbol ostoetan.
Azpin berriz urne bat dabil yostaketan.
¡Zeiñen poleki,
zeiñen ederki
yostatzen den...
elizak egin
eta desegin
ta botatzen!
Arri bat altxatzean eliz egiteko
¿zer ote dio ikusi, beire gelditzeko?
¡Beire, beire dagokio, begik idekirik...!
¿Zer diote, bada, ikusi Tomas'txoren begik?
Ia iñork, begiratuz, ikusi ote duan,
papertxo bat arritik artzen du eskuan;
¡ta nola ertxitzendun eskuño txikia,
biotzera deramala papertxo txuria!
¿Zer zioten bada ikusi Tomas'txoren begik
Zegozkionean beire, arren idekirik?...
¡Ama ta iñude
arrituk daude
ikustean
nola biotzera...
aurrak papera
baderaman!...
........................................................
Badator inudea Tomas txikingana,
kentzeko asmo guzin biotzean daukana;
¡biño arri ezin kendu! ¡Eskuñoa ertxirik,
ez da arri kendutzeko iñudeân indarrik!
¡Zaituko ez zitun noski Roldan gudariak,
paper ura ark bezela, bere yauregiak!
Baño ama... zarrak
bere atzaparrak
bota dizkio;
ta uste gaberik...
bere eskuñotik...
¡yoan zayo!
¡Ay arren diadarrak! ¡Nigar egitia!
¡Galdu bai zayo bada papertxo maitia!
¿Ikusi duzu, lagun, ikusi duzu iñun
kabi bat utsik eta uso bat ingurun
ume bille negarrez, ume bille beti
ta ezin billatu-arren... umez ezin etsi?
¡Alaxen dabil Tomas, nuranai begira,
berân poza guztiak artantxe baitira!
¿Zer zioten bada ikusi Tomas'txoren begik
zegozkionean beire zabal zabaldurik?
........................................................
........................................................
Elkarri begiratuz ama ta iñude
zabaltzean papera arriturik daude.
........................................................
"Agur Maria
Ama maitia."
zeuken barrun...
ta amari atzean
bere berean
¡¡iretsi zun!!
........................................................
........................................................
Amak artu dunean beso laztanetan
biotza badario... abestitxo onetan:
"Nik bai det maiteño bat.
¡Oi! ¿Zoin hura alako?
Ez da ttipi; ez haandi,
bai bien arteko.
Begia du ederra,
urdin ezti oso.
¡Biotzian sartu zaut...
ez baizaut jelgiko!"
........................................................
Atsalde eguzkik... doi-doi mendi egaletan...
Ipar aldera sugar... oraindik lañoetan...
Baratzan... aizeño bat arbol ostoetan...
Azpin berriz Tomas'txo bere yostaketan.
........................................................
¡Zeinen poleki
zeinen ederki
yostatzen den...
elizak egin
eta desegin
ta botatzen!
