Zure begiak...
Ondarola
Zure begi politak begiratu ziraten...
Izardun gau batean zerbait esan ziraten...
Eta eguzkiaren
Berotasunaz
Loreak yaiotzen
Diran bezela,
Zure begi ederren argitasun biziak,
¡Ai!, nere biotzean sutsarra piztu zuten.
Gaur ere ortzea izar politaz eder dago,
Eta-ez ditut ikusten zure begi alaiak...
Zu naiz bizi urrin,
Zuzendu beti
Neri zure bi izar
Zoragarriak...
Euzki samurrak ere urruñetik bialtzen
Digu guk bizitzeko bear degun argia...
Zure begiak dira larrosaren arantzak...
Anitz politak izan, ta zulatu biotza...
Biotzetik ez zait
Irten odolik,
Bañan bai ernaitu
Maitetasuna...
¡Maitetasuna... gauz bat esti gozo, biguna...
Bera gabe ezin bizi... beti gau beltz, illuna!...