|
Agurra
Igotz
-Oi, ba-oa, maite?
Ba-oa, ene eguzki,
ene arima zati?...
Oi, egia ete?...
-Bai, ziurki, ba-noa; eta esaidan: "Agur!"
Ez esan itz mergatzik,
ez dot opa zotiņik,
ager zakit samur.
-Ba-oa... noiz arte?
Itunaz mokoz-moko
luzez bizi bearko,
Ire itzalik gabe?
-Oraingotan zain ditut izarrak zeru zear:
Txaloz artuko nabe.
kezka ta istillu gabe.
Noiz itzuli bear?
-Ezertxo enerik
ba-daroak aldean
gau Baltza zurbiltzean
ni oroitzekorik?
-Uts ditut esku biak; ez, ostera, biotza;
sorgin-ames urdiņez
ta itxaropen utsez
daroat gaiņezka.
-Baiņa, maite, zer
egingo bidez-bide?
Urrin emazte ta aide.
eta pozik ezer?...
-Bidazti uts nabilke, maitale txit bulartsu;
arantzaz da bidea,
etsai-arriskuz betea,
baiņa ez naz izu.
-Nitaz oroituko
goiza urratzekoan,
ta eguna laiņoan
bil garaiz okerto?
-Bai, zu zaituket, arrats oria iltean,
nik gogoan ertsia:
itxar nai loz jausia,
nik zu muin-muiņean.
|
