Ulalume

Allan Poe, Edgar

 ZeruaK goibel eta hauster ziran:

 Hostoak ihar eta idor,

 Hostoak ikol eta idor;

 Gauaroa zen Urri bakan hartan

 Ene urte oroitezgarrienean,

 Aubergo laku ilundik oso hur,

 Weirgo ert lurralde lainotsuan...

 Aubergo urmael umeldik hur,

 Odol-xurgaleen baso eremuan.

 Hemen, Titan nekost joairan zehar,

 Behin, egina naiz ibilera

 Psike nire Arimaz batera,

 Bihotza artean su eta gar:...

 ibaia zen mendian behera

 Harri erreka goria bezela:

 Sulfur zira Yaanek aldapakar,

 (Eguraldiak hotz zuen aiherra...)

 Kexuz Yaanek mendian behera

 Boreas muturra beltza gure ipar.

 Neurriko baina goibel gure hitzak,

 Burutapenak baratza eta idor...

 Memoramenak etoile ta idor: ...

 Ezjakin bait ginan Urri ekintzaz...

 Ez genuen ohartu zein gau zen

 (Ah, urteko gauretarik gaua zen!)

 Ez eta Aubergoan geundela ere

 (Behin bertan ibiliak ginen arren)

 Ez genuen Aubergo urloa oroitzen,

 Odol-xurgaleen Weir basoa ere ez.

 Eta orain, jada zaharkituxe gaua:

 Izar bipilak goiz aztarren...

 Izar bipilak goizlehen...

 Bide buruan ixuri itxurakoa

 Gandu leinurua jaio zen,

 Nondik erne gora mirakulutsuak

 Adar bikoitza jasotzen zuen...

 Astarteren gora diamanteztatua

 Bere adar bikoitzaz nabarmen.

 Esan nuen: "Diana baino epelago:

 Zinkurin arnasetan lerra...

 Zinkurin lurretan erra...

 Masaila hauetan ez dela malko

 Xukatzen so -harra beti hor-

 Zaldiaren izarrez honatago

 Zeru harien igertzen dator...

 Zeru Lethear bakeaz baikor...

 Zaldia gorabehera hurbil dago,

 Gu argitzear begi aidor...

 Zaldiaren egoitzaz honatago,

 Eme begi nabarrez maitakor".

 Psikek, behatza gora, ziostan:

 "Tamalez ai ene mesfidantza

 Izar hits espantuki honantza...

 Oh, bizkor! Ez entreteni beratan!

 Hegan egin! Beharrean... Goatzan!"

 Beldurrik mintzoa, hegak hautsetan

 Irristan jaulkiaz baratza...

 Larri nigarra, hegatsak hautsetan

 Irristan jaulkiaz baratza...

 Hautsetan sor jaulkiaz baratza.

 "Ametsa baizik ez dun" erantzun nion:

 "Argi dardaiz honetan jarrai!

 Argi beiraki honetan blai!

 Sybiliar erlantzan nabarion

 Itxaropen eta Edertarzun

 Ikusi! Gaua zehar hor zerun!

 Ah, fida gaitezken argi adinon

 Bide onean pausua ernai...

 Fido egon gaitezken argi adinon

 Bide ona baino ezin zai

 Gaua zehar Zerura bait darrai!"

 Amondu Psikeri egin nion mun

 Eta susmoa uxatu nion,

 Susmo garriak uxatu nion

 Eta hegiraino iragan ginen...

 Hil ate batek geratu zigun,

 Hil ate zahar bat zen. Esan nuen:

 "Hor idatzirik, arreba, zer dun

 Hil ate zahar honen gainen?"

 "Ulalume... Ulalume!" erantzun zuen:

 "Ulalume hirearen hobia duk"

 Eta goibel jarri zitzaidan bihotza

 Hosto ihar-idorren antzera...

 Hosto ikol-idorren antzera...

 Oihu egin nuen: "Urri zen, antza,

 Joan urteko gaua hau berbera,

 Ezen zama astunaz hona behera

 Etorri nintzala... hemen behera...

 Urteko gauretarik gaua hau bera.

 Ah, zein demoniok narritatu nau?

 Orain ezagun, Aubergo laku latza,

 Weirgo ert lurralde lainotsu hau!

 Ongi ezagun ere: urmael hotza

 Ta odol-xurgaleen basa eremu hau!"