Nere maitea
Maite bakar bat daukat
Guztiz maitea
Maitalerik maitena
Biotz Jabea.
Beti nerekin dabil
Egun gauetan
Naiz neke-lan artean
Naiz atsedetan.
Eder-ederrenetan
Bera ederrena.
Azkar-jakintsuetan
Da jakiñena.
¡Goizeko izar garbia
bai dala argia!
Bañon onen aldean
Bera da euzkia.
Jaun ta errege izanarren
Guztiz da apala
Berdin maite ditu ta
Txiro ta jauna.
¿Nork emango dit bada
Berak bezela
Janari ta edaritzat
Gorputz odola?
Gorde nai dituentzat
Apa gozoak
Maitakeri lizunak
Laztan beroak.
Gurutzean emanik
Nitzaz bizitza
¿Nork, eskeñi gañera
Bere biotza?
***
Urrun, urrundu zaizte
Biotz lurtarrak ..
Betiko ixten dizutet
Biotz-sarrerak.
Maitetxo bat nik daukat
Biotz Jabea
Maitalerik maitena
Jesus maitea.
|