Urrezko ezteiak
Alkat [Alkhat], Ernest (Ipar Haize)
1
Bazkoa dugu eta bete da eliza
Zerbaiten esperantzan guziak gabiltza
Amodioa baita biziaren giltza
Urrez espos direnak jaunak lagunt bitza
Iparreko Battitta bai eta Katixa.
2
Bekan ikusten dira holako kasuak
Horra zer gatik diren hanbat ospetsuak
Maitasun seinaleak beti berdintsuak
Zerbaitek laguntzen tu maitale kartsuak
Bazko argiak edo bihotzeko suak.
3
Pena emaiten deraut hunen ikusteak
Xaharren trufatzaile ardura gazteak
Xahartu nahiz gaude batzu ta bertzeak
Atsegin egin beza hunen entzuteak
Elgar maitatu bainan ez konda urteak.
4
Mende erdi batean bide dute egin
Biziaren zorion, kezka guziekin
Atseginean egun baitira gurekin
Jainkoari guziak dezagun galdegin
Luzaz begira ditzan biak elgarrekin.
5
Gaurko mundua dago amodio gosez
Herra nagusitu de maitasun eskasez
Egungo esposeri goresmen bihotzez
Maitasun hedatzaile has gaiten otoitzez
Jesus ere hil baitzen gu guzien maitez.