Luistar
Sortzez garbi-garbia,
zeruko Ama ona;
begiratu gozo bat
itzuli gugana.
Erri au ez dago gaur
ain zuzen zuzena...
gorrotoa itzali ta
piztu maitasuna!
Maria'k, nere ustez,
dio erantzunaz:
"Zuzendu nai duena
zuzentzen da errez.
Saiatu nai badute
saia bear dutenak,
ongi zuzenduko du
erri ori Jaunak".
"Bakoitzak al duena
egin bearra dago;
ezin dezutenetan
laguntzeko nago.
Jaungoikoa ta alkar
maitatu geyago...
bitartean otoitzik
ez dizuet entzungo!"
Arrazoiz eta jator
diozun Maria;
maitasun gabekoa
da otoitz eria.
Gaurtik utzi nai degu
gorroto ilgarria...
eta zure laguntzaz
sendatu erria!
|