Ezkontza

Alkat [Alkhat], Ernest (Ipar Haize)

 1

 Mintzaldi, soinu, kantu, maitasun bihotza

 Abendua da bainan, zer egun airosa

 Esker onez Jaunari hel-araz otoitza

 Bekantzen ari baita gaztetan ezkontza.

 2

 Gazterik galdu aitaz orroit zaizte egun

 Erakutsi bizian ainitz umiltasun

 Bertzeak errespeta, mintza eta entzun

 Etxean izan dadin, aski goxotasun.

 3

 Eskualdun gazteria: bi hitz zoin ederrak

 Bainan ainitz joanak gelditu beharrak

 Maita zuen herriak, etxe eta lurrak

 Norapait saldu gabe hemengo indarrak.

 4

 Amodioz troxatuz haurren gutizia

 Nasai erein zazue Eskualdun hazia

 Bertzen zerbitzurako balia bizia

 Bai eta elgar maita, hortan da guzia.

 Errepika:

 Ama maite Maria her gure otoitza

 Zure graziez lagunt egungo ezkontza.