Luistar
"Ama Birjiņa datorrenean
ikusten dute batzuak,
berari begira gelditzen dira
zabaldurikan besoak;
gezurra dala kontari daude
gaixto soberbiosoak,
bai dirudite ardi leyala
jaten dabiltzan otsoak;
sinismen ona sartu deiela
gure Jaun amorosoak.
"Askotan orruz joaten dirade
sinismenikan gabeak,
desanparatu nai dituztenak
Jesukristoren legeak;
zuek desio dituzutenak
ez dira askoz obeak,
era orretan bajatutzea
ez du merezi Fedeak;
millagrorenbat egingo digu
zeru ta lurren jabeak.
"Nik sinisten det Jesus dagola
altueneko graduan,
eta Ezkio'ko ibillerare
kasik (...)ko moduan;
ori txantxetan agertzen danik
ez iņork artu buruan
Ama Birjiņa ikusi arren
jende asko inguruan,
oyek ez dute apuratutzen
geiago dago zeruan".