Elizarako denek

Alkat [Alkhat], Ernest (Ipar Haize)

 1

 Elizarako denek

 badugu galdea,

 Bainan ardura dugu

 ahanzten bidea

 Edozoin estakuru

 daukagu hobea

 Bainan beti bali da

 Jainkozko logea.

 Ospa dezagun egun

 Krixto erregea.

 2

 Lan eskasak hoinbertze

 trixtura emaiten

 Droga tzar horrek aldiz

 gogoak nahasten

 Hoinbertze gerla bide

 nun nahi ikusten

 Bainan oroz gainetik

 egun orroit gaiten

 Munduaren bakea

 etxetik da hasten.

 3

 Supazter xokoetan

 dagotzi ainitzak

 Han itzatuak ditu

 adinaren lotsak

 Eritasunak edo

 neguaren hotzak

 Irratitik entzunez

 gu denen otoitzak.

 Laster bero ditela

 xaharren bihotzak.

 4

 Geroa guzientzat

 ilun da agertzen

 Bainan haurren kantuak

 gaitu kontsolatzen

 Esperantza herrian

 dutelakotz sortzen

 Haurren erregeaz gaur

 orroitu gaitezen

 Ikasteko hobeki

 elgarren maitatzen.