Luistar
Euskaldun guztiari
adierazteko,
ala bear danean
det nik idatziko.
Egoki dan aldian
gutxigorentzako,
asmo zuzenarekin
ez naiz bildurtuko.
Masoi, liberal eta
arrokeriari,
ostaturik ez eman
iñola oyeri.
Baña ez esan iñoiz
beltza zuriari,
maiteki begiratu
anai-arrebari.
Biotz eta mingaiña
txukun da garbiak,
gorde bear ginduzke
esanaz egiak.
Zabaltzea egoki
uste dan berriak,
jarri ditzagun sarri,
ez egi guztiak.
Egi guztiak ezta
gezurrikan iñoiz,
jarri bear ez dala
iritzikoa naiz.
Guztiok, "Biotz bigun",
otoiztutzeko maiz,
gauetan etxeratu
gaitzen garaiz.
***
Kendu gabeko betaurrekoak
zuzen jarriaz, begira
eta orduan diran bezela
gauzak ikusiko dira.
Zenbait ontzitan arretu oi da
berez garbia dan ura...
beragatikan, ur jator billa,
jo dezagun iturrira.
|