Bozak Angelun

Alkat [Alkhat], Ernest (Ipar Haize)

 1

 Omore onarekin bilduz zonbait lagun

 Heldu zauzkigun bozkak aipatu ditzagun

 Hobeki bizi diten kaskoin ta Euskaldun

 Herriko etxe hori guretu dezagun

 Gizon onen beharra baitago Angelun.

 2

 Angelu huntan alta bizi lorietan

 Usas hegian edo pino azpietan

 Lantegien amentsak zoko guzietan

 Aza, porru ta kuia nasai baratzetan

 Gainerako guziak auzo herrietan.

 3

 Hurbil da Miarritze, hurbil da Baiona

 Baliatu dezagun bakotxaren ona

 Elgarrekin asmatuz denen zoriona

 Guretzat egon dadin gurea dagona

 Atzarri Euskalduna, atzarri kaskoina.

 4

 Primadera hitzeman, eskaini negua

 Hori da politika bainan lehengua

 Zatozte gurekilan, jina da ordua

 Kentzen ahal baitugu Bittorri kargua

 Bertzela da Angelu betikotz galdua.