Luistar
Udaberria eldu zaigu-ta
txori alayak abesten,
gure inguruan asi zaizkigu
t'asko gaituzte poztutzen.
Zelayak ere ikusten ditut
nola asi diran apaintzen,
gauza bakoitza bere garaian
Jaunak zintzo du bialtzen.
Jaungoiko ori maite dezagun
kristau zintzoak bagera,
gure Egillea maitatu gabe
ez gera joango zerura.
Zeru eder ori irabazteko
izan dezagun ardura,
t'ardura aundia izan bear dala
garaiz kontuak atera.