Luistar
Artzai ona dan Jesus'en ordez
Obispo jaunak diona,
euskaldun guzti-guztiok degu
irakurtzea txit ona.
Saya gaitezen, bada, egiten
artzai on orren esana,
onetan zabar dabillen nor-nai
ez da-ta iñoiz gizona.
***
Gaur Arantzazun bilduko gera
euskaldun Luistar ugari,
bear ditugun laguntza eske
Jesus Beraren Amari.
Ordu onean agertua Zera
Rodrigo artzai onari,
gure zaindari zeran Maria
begira errukiz, ba, guri.
Euskalerrian naikoa larri
gabiltzan aldi onetan,
biotzez apal auspezten gera
¡Ama! bai, Zure oñetan.
Zeruko intza gogoarentzat
t'eudia gure lurretan,
nai genduke-ta, iritxiguzu...
¡eskatzen dizut benetan!