Luistar
Ulertzen ez dan izkuntza nola
Dotriña ondo ikasi?
t'ikasi arren onura gabe
laxterka doa igesi.
Agindu orixe euskaldun askok
ez degu pozez ikusi,
baizik bestera, zure iritzian,
naikoa dago itxusi.
***
Eudia nai-ta ezin iritxi
larri gabiltza errian
arto ta bainak jarri omen dira
ia iltzeko zorian.
Gaurko egunean, bear aundi gabe,
lana egiten da jayean,
eta jakiña...¡Jaunak zigorra!
merezi degun neurrian.
***
Sariagatik langille gera
saririk gabe alperrak,
diru orrekin zuzentzen dituk
mundo ontako okerrak.
Zerbait esan det baño oraindik
Andre Mariai eskerrak,
Euskalerrian gordetzen gaitu
Jaungoikoaren bildurrak!