Olerkariak
Emiliano Mujika
Zalapartarik bakardadera
iges zoazen olerkaria
zu, oldertia erabiltzeko
¿or al daukazu gai ugaria?...
Ain igarra da, t'ain bakana da
lasto tartean dagon garia,
lanaren ordain ezin liteke
irabazi al dezun saria...
Zuk nai zenduke guk ulertzea
txoriena dan ele jarduna,
baña adimenik ezin goraldu,
bakoitzak degu Jaunak diguna.
Poz aldi gabe gelditzen zaigu
neguko gaua bezin illuna,
egi sakonen ikasbideetan
eguzkituaz dator eguna.
Zuk diozuna era ta neurriz
apaintzen dezu ¡bañan alperrik!...
zuk uste arren ezin zuzendu
guk mail ditugun amets okerrik.
Maitale danak ez du billatzen
zure izkera bezin ederrik,
bala goyargi orren ordañez
¿eman al dizu iñork eskerrik?...
Olerkaria, olerkaria:
ez da guretzat zuk dezun lana;
ez da guretzat berezko dana.
¡Zoaz, aurrera!; ¡zoaz, or goruntz!
berriz biurtu gabe gugana,
zeruko diran aingerutxoen
izkuntz leunen jabe zerana.