Agate Deun abestiak
Muxika'tar Emiliano, "Amabi"
Endorearen baimenarekin
gatozen abeslariak
irten gera gaur berriztatzea
euskal oitura garbiak.
Agate deunan aurreguna da
ta lagun dala pakea
gazte sail onek iriki nai du
maitasunaren atea.
Negu gordiñak bildurtu gabe
ara gu emen txit alai
zerbaiten poza bana deiegun
laguntza bear daudenai.
Gure zakelak bi zulo ditu
gaitzeruak lau lakari,
etxe ontako nagusi jaunak
ezkurra badik ugari.
Osasun ona, pake ta poza
opa dizugu nagusi.
¡Ea mutillak! ezkur alerik
jaulki ote dan ikusi.
Biotz aundiko etxeko-andre
jatorriz esku zabala
eska-bearrik gabe dakigu
eskupeko bat badala.
Leyoan dago guri entzuten
aita ama oyen alaba
bere izatea nolakoa dan
esango degu al bada.
Udaberriko lore polita
soro zelaian bezela
edergarritza etxe onean
ezagun dezu zaudela.
Amaika gazteak begiratzen du
zure gelako leiora
zuk egin arte agur alairik
ez goaz beste iñora.
Zu bezelako gaztea zala
il zuten Agate deuna
bere eriotza gogoratzeko
autu zan gaurko eguna.
Gure asaben sinismen ona
gaitz-pean galdu ez dedin
Agate eran gazte garbiak
ugaldu bitez Euzkadi'n.
Euzkotarrentzat erruki ona
billatu degu non dagon,
auen emaitza ongarri zaigu,
eskarrikasko ta gabon.