Zu zera nere saria
Joxe Moreno
Korua ixillik... Gau ordu bata
Il da "Maitinen" oyua...
Oyera doaz fraille zuriak
Napolesko itsasua...
Napolesko itsasua...
Zeru urdinean, ara, artizarra
nola dagoen dirdiri;
mariñel batzuk itsar barruan
arrantzan dabiltz kantari,
arrantzan dabiltz kantari.
...........................................
...........................................
Eliz onetan ez dakit zer dan...
¡Ori gauz miragarria!
San Nikolas'en aldare ontan
badago... nunbait argia,
balago... nunbait argia...
Fraille guziak joan ziran eta
argi guziak itzali;
¿nondik, gizonak, datorkigu, ba,
sorgiñezko argi ori,
sorgiñezko argi ori?
Eguzki aldetik alaitasuna
baidator eguzki aurrean,
mendi ta ibarrak besarkatuaz
beso laztanen artean,
beso laztanen artean...
Zerbait alaxek inguratzen du
gurutz oñetan fraille ura...
¡Gurutze berak dizdiratzen du
Tomas sainduen burura,
Tomas sainduen burura!
¡Zein dan ederra... argi orixe,
urdin ta zurigorria;
aingeru batek sortua ematen,
zero goyetik jetsia,
zero goyetik jetsia!
Lotan dagoen aingerutxoa
ames polita egitean,
gurutze orren aurpegia da
Tomasi itz ok esatean,
Tomasi itz ok esatean.
"¡Tomas, Tomas, zuk Nitaz
zein ongi diozun idatsi!...
Eska zadazu, eskatu...
ordañez edozein sari,
ordañez edozein sari."
"Jauna, ¿zer sari ta ondasun
daukat munduko gauzetan?
¡Gaur dizdiz daude, lili bezela,
ta biar deus ere ezetan,
ta biar deus ere ezetan!"
"¡Sari iraunkorra Zu zera,
gauza guzien Azia;
Zu zera, Jauna, Zu zera...
Zu zera nere saria,
Zu zera nere saria!"