Maisu, ni lehendabizi!

 Beltxarana, ezinegona,

 erritmorik gabeko dantzari gogorra

 denetan azkena,

 azkena etxean

 azkena auzoan

 azkena herrian.

 Denek dakite azkenean bera dagoela

 klasea bukatu denean iristen da,

 janaria bukatu denean iristen da,

 osasuna bukatu denean iristen da,

 familia bukatu denean iristen da,

 maitasuna bukatu denean iristen da.

 Hala ere, tristura guztien artean

 irribartsu botatzen du bere esaldia;

 Maisu, ni lehendabizi!!