Erbestetik erriratu dan Ama Mariari

L.

 Maria nuen xeaskatikan

 Gaurra arteko urtetan

 Laguntza eta pozaren poza

 Erbest ontako neketan.

 Amaika bidez ani begira

 Txoro eginda txoratzen

 Nere begiak egondu dira

 Maite zutena maitatzen.

 Baña jun zaikit gora ta gora

 Urdiñaz arutz zerura

 Jesus maiteak zere jabeak

 Deitu dizun lekura.

 Garai bateko begi txoruak

 Negar da negar urtutzen;

 Biotza berriz maitia nai ta

 Maiterik gabe estutzen.

 Esku zuriak, ama zaliak

 Zu joan ziñan aldera

 Zenbait alditan jaso ditudan

 Utsak datozkit lurrera.

 Larrerik larre, sasirik sasi

 Arkaitzik arkaitz joanaz,

 Gaxotu zaikit nere oiñ txotxak

 Odola daude emanaz.

 Banuan Ama, badet oraindik,

 Daukat emetik urruti;

 "Arren luzatu eskuak onuntz

 Mesede guztin lekuti".

 "Ama zera ta, Ama zaitut ta,

 Seme nazu ta, kupitu;

 Erori naiz ta, odoldu naiz ta,

 Loitu naiz ta garbitu".